Ресей әділет министрлігі халықаралық Human Rights Watch (HRW) адам құқығын қорғау ұйымын "жағымсыз ұйымдардың" тізіміне қосты.
Ресейде "жағымсыз ұйымдардың" қызметіне қатысқан адамдарға әкімшілік және қылмыстық жауапкершілік көзделген.
HRW 1978 жылдан бері істейді және әлемнің 70-тен астам еліндегі адам құқығын бұзу фактілеріне мониторинг жүргізеді.
2022 жылы ұйымның сайтын Роскомнадзор бас прокуратураның талабымен бұғаттаған. Ведомствоның айтуынша, ұйымның сайтында Ресейдің Украинамен соғысына қатысты "шындыққа сәйкес емес" ақпарат бар.
HRW бұған дейін Ресей әскерінің Украинаға соққысы нәтижесінде қаза болғандар мен жарақаттанғандар жөнінде жазған. Бұған қоса, Ресей әскерінің әрекеті туралы да ақпарат жариялаған.
HRW 2023 жылы желтоқсанның басынан бері Ресей әскері тұтқынға берілген кемінде 15 немесе тұтқынға берілмек болған алты украин сарбазын өлтірген болуы мүмкін деп те мәлімдеген. Ұйым хатты Ресей билігіне жіберген. Оған жауап берілмеді.
